Mugron (Mugron en francés) qu'ei ua comuna gascona de Shalòssa, situada dens lo departament de las Lanas e la region de Navèra Aquitània, ancianament d'Aquitània.

Comuna situada en Shalòssa, sus Ador.

La prononciacion qu'ei [my'gruŋ]. Las fòrmas ancianas que son Mugrone, Mugrono, Mugronensis, en latin, aus sègles XI-XII, Egremundo en 1243, Mugeron en 1407, Meillan en 1279, Mugrõ (mapa de 1638), Mugron (mapas de 1651, deu sègle XVII, shens data, deu començament deu sègle XVIII, de 1714 e de 1733) ^[1].

Dauzat e Rostaing qu'explican Mugron per un nom latin d'òmi, Mucro, -onis ^[2].

Negre, citat per Bénédicte Boyrie-Fénié, qu'explica Mugron per lo gascon mugroû, «popa de hemna»; qu'interprèta la fòrma Egremundo de 1243, per ua latinizacion *acrem montem, perqué Mugron èra comprés com lo latin mucro(n), «punta» (?) ^[1].

Per Bénédicte Boyrie-Fénié, Mugron qu'ei un oronime preceltic. L'aglomeracion d'origina qu'ei un mus qui portava un castèth de husta. J.B. Orpustan que senhala un tèrme aquitanic, deu tipe *mocoron, present tau que dens la toponimia de Baiona, dab lo sens de «lòc de tarròcs o de ròc»^[1].

• Lo castèth de Bocòssa, caveria deu sègle XVI^au.
• La capèra deu Casaliu, consacrada en 1541 a Nosta Dauna de Gràcia.
• Lo portau de Pèr de Peiran, bastit en 1588.
• Lo chai d'Antin, bastit de cap a 1750.

Mugron qu'a la particularitat d'estar damorat lo pòrt navigable lo mei a capsús de l'Ador, e pr'amor d'aquò, qu'a comptat dens lo passat, mantuns enterpaus preu vin e autas produccions locaus hòrt presadas dens los país deu nòrd de l'Euròpa.

L'ancian chai d'Antin, deu sègle XVIII^au dab la soa carpenta de casso monumentau dab los sons 3 taulats de mei de 800 m² cadun, que s'es conservat dans un estat exceptionau. En 2016, lo chai qu'apriga ua botiga d'objectes de decoracion e ua galeria d'art contemporanèu^[3].

• La capère sepulcrau deu cemitèri de Mugron, bastida dab ua soscripcion crubada en 1813.
• La glèisa de sent Laurenç, consacrada en 1866.
• Las arenas de Condreta, inauguradas en 1911.

• Frédéric Bastiat, (1801-1850), economista, òmi politic e polemista liberau. Que passà ua gran part de la soa vida a Mugron, on avè la soca de familha.
• Robert Degos, (1904-1987), vadut a Mugron, dermatològa. Qu'a descrivut mantua dermatòsi e especiaument la "malaudia de Degos".
• Henri Emmanuelli, (1945-2017), deputat de las Lanas👁 Escut de Lanas
  , permèr secretari deu Partit Socialista.
• Léon Fauret, (1863-1955), vadut a Mugron, pintre, dessinator.

• Union espòrtiva Mugronesa (Rugbi)
• Espèr Mugronés (Gimnastica)

• 👁 Espanha
  Cintruénigo (Espanha)

• Meyranx (Abbé L.-B.); Histoire de Mugron; 1911; éd. Res Universis; Paris; 1992; 320 pp; ISBN 2-87760-148-X.
• Laporte (Pierre); Mugron village chalossais, des origines jusqu'en 1911; A.H.C.C.M.; 2007; 360 pp.; ISBN 978-2-35519-010-0.
• Besselère (Jean-Pierre); 1000 ans d'histoire de Mugron, essai historique; A.H.C.C.M.; s.d.; 74 pp.; ISBN 978-2-7466-0812-2.

• Comunas de las Lanas

1. 1 2 3 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 164-165
2. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 486
3. ↑ Rouge Garance

• Mugron sus lo sit de l'Institut Geografic Nacionau

• 👁 Portau de Gasconha
  Portau de Gasconha