Ossadjas^[1] o meilèu Ossatges (Ossages en francés) qu'ei ua comuna gascona situada dens lo departament de las Lanas e la region de Navèra Aquitània, ancianament d'Aquitània.

La prononciacion qu'ei [uˈsaɟəs]. Las fòrmas ancianas que son Orsagges, Orsages cap a 1105, Sanctus Saturninus de Ossatges aus sègles XI-XII, Arnaldus de Satges en 1270, Ussadges en 1289, Otsage en 1299, Ossages (mapas de 1714 e de 1733) ^[2].

Lo nom que sembla viéner deu cognomen Urso o Ursus dab lo sufixe -aticus/atica: ursáticas (terras). La liquida r qu'ei assimilada per la shiulanta s: Ursáticas > Ussáticas. La seguida qu'ei [u'sadeɣas] > [u'sadeas] > [u'sadjas] > [u'sadjəs]. L'atestacion de 1270 que s'explica per la confusion de la prumèra sillaba dab la preposicion au. J.B. Orpustan qu'explica lo nom per urd-, «planèr, lòc planèr» dab ua evolucion en urz-/orz-, mès que caleré explicar lo sufixe. Ossatjas qu'ei un nom de proprietat antica, la proprietat d'Ursus ^[2].

• Comunas de las Lanas

1. ↑ http://www.institutoccitan.com/index.php?option=com_content&task=view&id=167&Itemid=0
2. 1 2 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 175
3. ↑ https://www.sudouest.fr/2018/05/22/roger-loupien-prend-l-echarpe-5076937-3474.php
4. ↑ http://www.mon-maire.fr/maire-de-ossages-40

• 👁 Portau de Gasconha
  Portau de Gasconha