Brocars^[1] (Brocas en francés) qu'ei ua comuna gascona situada dens lo departament de las Lanas e dens la region de Navèra Aquitània, ancianament d'Aquitània.

Las fòrmas ancianas que son de Brocars, en 1009, de Brocar, de Brocars, en 1274, de Broquat, en 1300, ecclesia de Brocars, cap a 1320, de Brocariis, en latin, en 1336-1340, par. Sancti Joanis de Brocars in Marsano, en 1359, Brocas, mapas de 1714 e 1733. La prononciacion qu'ei [bro'kas] ^[2].

Dauzat que's pensava Brocars vienèva deu gallés broccos, «punta», puish «taish», dab lo sufixe aumentatiu -as ^[3]. La motivacion que seré un mus rocassut. Mès Dauzat coneishèva pas las fòrmas ancianas nimei lo paisatge. Lo nom qu'es format dab «bròc» (latin brocca = causa aguda) + «-ar» (sufix collectiu vegetau, latin -are) + «-s» (ahortiment deu sens collectiu): endret on i a bròcs, gavarras,...)^[2].

• Avant la refòrma cantonala de 2014, aplicada en 2015, la comuna qu'èra deu canton de Labrit; qu'ei adara deu canton de Hauta Lana Armanhac (burèu centralizator Labrit).

• Comunas de las Lanas

1. ↑ Top'Òc Diccionari toponimic occitan del Congrès permanent de la lenga occitana.
2. 1 2 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 70
3. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 118

• 👁 Portau de Gasconha
  Portau de Gasconha