Calen^[1] (Callen en francés) qu'ei ua comuna gascona de Vasadés ^[2], situada dens lo departament de las Lanas e dens la region de Navèra Aquitània, ancianament d'Aquitània.

Las fòrmas ancianas que son Sanctus Petrus de Calen, aus sègles XI-XII, par. de Colon, en 1274, Arnaldo de Calle, en 1363, Calen (mapa deu ducat d'Albret), Caillon (Fèlix Arnaudin). La prononciacion qu'ei [ka'lœn]. Calen que vieneré deu cognomen Calenus, dab lo sufixe aquitanic -ennu. Véder Caishen ^[3]. Dens *Calenennu, la prumèira n que dispareish regularament e la geminada que vien simpla: *Cale(n)en(n)o > *Caleeno > *Caleno > Calen.

Lo lòc L'Ancien Bourg (en francés, donc L'Ancian Borg) que's tròba au nòrd de Lucsèir, près de la RD 143. Qu'ei aquí que la mapa de Cassini lo plaça ^[4]. Qu'en demòra la Hont de Sent Estròpi (nom supausat).Lo borg actuau qu'ei a l'èst, au crotzament énter la RD 4 Preishac-Lucsèir e la RD 143.

• Avant la refòrma cantonala de 2014, aplicada en 2015, la comuna qu'èra deu canton de Sòra; es ara deu canton de Hauta Lana Armanhac (burèu centralizator Labrit).

• Comunas de las Lanas

1. ↑ Top'Òc Diccionari toponimic occitan del Congrès permanent de la lenga occitana.
2. ↑ https://gallica.bnf.fr/ark:/12148/bpt6k9616679v/f138.item.zoom p. 124
3. ↑ Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 73
4. ↑ https://www.geoportail.gouv.fr/donnees/carte-de-cassini cercar a 40430 Callen

• 👁 Portau de Gasconha
  Portau de Gasconha