Morgans^[1] (Morganx en francés) qu'ei ua comuna gascona de Shalòssa situada dens lo departament de las Lanas e la region de Navèra Aquitània, ancianament d'Aquitània.

La prononciacion qu'ei [mur'gans]. Las fòrmas ancianas que son villa de Morganis, en latin, au sègle XI, Morgas, castrum de Morgase en 1253, castra de Morganis, en latin, en 1263, Morgãs (mapa de 1638), Morgans (mapas de 1651, de 1714 e de 1733) ^[2].

Morgans que sembla un oronime com tots los qui son long de la vath de Lui (Montagut, Mant, Montsegur, La Craba, Momui, Brassempoi, Lo Poi e Poiartin). Que deriva benlhèu d'ua basa oronimica *murg-. Bénédicte Boyrie-Fénié que compara dab l'Aiguille de Morges (nom francés), lo mont Morgon (Aups Maritims), lo pic de Morgon (Auts Aups), montanea de Morgono en 1296, lo Cap Morgiou (Bocas de Ròse), colle de Morgils en 1348, las vilas anticas de Murgantia (Sicília) e Murgis (Betica), los Murgi bascos. Lo sufixe qu'ei lo de Hontans, «lòc provesit de honts», sortit d'un locatiu plurau en -anis, «lòc montuós». Lo lòc qu'apertien a l'estrat prelatin ^[2].

Shens citar Morgans, Delamarre que coneish pr'aquò ua arrasic celtica morg-, «frontèra», qui's trobarè dens los rius Morgon e Morge, etc ^[3].

• Comunas de las Lanas

• Comunautat de comunas de Shalòssa Tursan

1. ↑ http://www.institutoccitan.com/index.php?option=com_content&task=view&id=167&Itemid=0
2. 1 2 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 162
3. ↑ Xavier Delamarre, Noms de lieux celtiques de l'Europe ancienne, ed. Errance, 2012, p. 201

• 👁 Portau de Gasconha
  Portau de Gasconha