Gossa^[1] (Gousse en francés) qu'ei ua comuna gascona de Shalòssa, situada dens lo departament de las Lanas e la region de Navèra Aquitània, ancianament d'Aquitània.

La prononciacion qu'ei ['gusə]. Las fòrmas ancianas que son Sanctus Martinus de Gavosse en latin, aus sègles XI-XII, Gaosse en 1135, Goosse, Gonosse en 1289, Goossam, Gonossam, Gouossam, en latin, en 1289, Gouse (mapa de 1638), Gousse (mapas de 1714 e de 1733) ^[2].

L'atestacion mei anciana que mia a la basa idronimica preceltica gav-, plan atestada a l'entorn, dab lo sufixe aquitanic -otz(e). Per l'evolucion, Bénédicte Boyrie-Fénié que pensa l'accent tonic èra sus la sillaba iniciala [çò qui es meilèu contradictòri dab la fonetica basca]: *gàvosse > *gàosse > *gàusse > gousse [en fonetica francesa] (dens lo sector, [aw] > [ow] > [u]). Gossa qu'ei en riba esquèrra d'Ador e somesa aus aigats; aquera idèa que's tròba dens lo gascon gavar, gavàs, «espandida d'aiga près d'un gave o d'un jonhent, qui s'explica per aigats o infiltracions». Lo nom qu'ei a arreligar dab Gabat en Micsa e lo nom d'un quartièr de Domesenh. La fixacion deu nom qu'ei antica e d'origina aquitanica segon Bénédicte Boyrie-Fénié ^[2].

• Comunas de las Lanas

1. ↑ Top'Òc Diccionari toponimic occitan del Congrès permanent de la lenga occitana.
2. 1 2 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 108-109
3. ↑ https://www.sudouest.fr/2020/05/27/fabrice-laurede-nouveau-maire-de-gousse-7517713-3376.php

• 👁 Portau de Gasconha
  Portau de Gasconha