Asur^[1] (Azur en francés) qu'ei ua comuna gascona situada dens lo departament de las Lanas e la region de Navèra Aquitània, ancianament d'Aquitània.

• Ad Asur, que paishan los asos preu cuu.

La prononciacion qu'ei [a'zy]. Las fòrmas ancianas que son Sanctus Johannes de Esiur (sègles XI-XII), Esur en 1206, Azur en 1356 e 1475, Azur (mapas de 1638 e 1647), Asu (mapa de 1666), Azur (mapas de 1714 e 1733) ^[2].

Segon Bénédicte Boyrie-Fénié, lo nom qu'a coneishut l'atraccion deu mot azur; probablament qu'a pas la medisha origina que Ador per rasons foneticas evidentas. Lo nom que hè pensar a la vila d'Esuris (Betica) e a un cognomen Isurcio, a l'ancian nom de baptisme Eizius/Ezius. Que i a tanben un lòc escrit in loco vocato Asuer in parochia de Montibus, qui poderé estar Asur; en Baisha Navarra, que i a hens lo cartulari de Dacs ua parròpia Sancta Gratia de Azurdoi (dab -doi «bòsc»); lo radicau que poderé estar lo basco ezur «çò qui demòra en tèrra quan an copat lo toi»; aquò que hè pensar a un toponime d'eishartigatge, mès que i a ua dificultat: lo mot basco qu'a ua -rr finau hòrta e dens lo nom lanusquet -r que s'ei amudida. Lo nom que sembla d'origina aquitanica. J. B. Orpustan qu'i tròba un compausat de ur «aiga» en basco en finau e de aitzi(n) «abans, situat en abans»^[2].

• Comunas de las Lanas

1. ↑ Top'Òc Diccionari toponimic occitan del Congrès permanent de la lenga occitana.
2. 1 2 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 47-48

• 👁 Portau de Gasconha
  Portau de Gasconha